2018/05/03

Takimi i parë i anëtarëve Premium të Unionit të Bizneseve Shqiptaro-Gjermane

Lazim Destani, i ftuar si Kryetar Nderi i Rrjetit Global të Bizneseve Shqiptare në Diasporë, mori pjesë duke i ndjekur punimet e takimit të parë të anëtarëve Premium të Unionit të Bizneseve Shqiptaro-Gjermane që u mbajt në Gjermani. Në këtë takim morën pjesë përfaqësues të rreth 60 bizneseve Premium nga më se 300 biznese, anëtarë të Unionit të Bizneseve të Diasporës. Në takim gjithashtu morën pjesë edhe personalitete nga qeveria e Kosovës, ndër të cilët zv. Kryeministri/Ministri i Diasporës dhe Investimeve Strategjike, Dardan Gashi, zv. Kryeministri, Fatmir Limaj, ambasadori, Astrit Zemaj, drejtori për investime strategjike në ministrinë e Diasporës, Avdyl Kipoveci, konzulli, Ajvaz Berisha, si dhe një numër afaristësh nga vendet përreth Gjermanisë.

Takimin e hapi zv. kryeministri Gashi i cili në fjalën e tij nënvizoi se qasja profesionale dhe serioze e Unionit ka sjellë shumë rezultate. Ai vazhdoi duke thënë, – kjo qasje profesionale e serioze ka bërë që Qeverinë e Republikës së Kosovës ta keni partner në rrugëtimin tuaj. Andaj, rekomandoj që kjo nismë e juaja të avansojë fazë pas faze, deri te realizimi i projekteve kapitale të Unionit. Me këtë rast, ai i inkurajoi afaristët e pranishëm për realizimin e ideve si, Banka e Diasporës si dhe projekteve të tjera me rëndësi të veçantë.

Artikuj të ngjashëm
04.02.2021
Akademia e Shkencave dhe Arteve e Kosovës (AShAK) ka promovuar sot librin “Demografia e Kosovës” me autor, Akadmik Hivzi Islami....
08.01.2021
Me rastin e përfundimit të punës prej më se 30 vjetësh në Kongresin Amerikan, Lazim Destani e ka çmuar lart...
22.12.2020
Dje, më 21 dhjetor, u mbajt takimi përmbyllës për vitin 2020 i Dhomës së Biznesit të Diasporës Shqiptare me ç’rast...