2018/01/19

Pritje me karakter biznesi në Wirtschaftclub, Dyzeldorf

Lazim Destani, me rastin e fillimit të këtij viti, merr pjesë në një pritje private në Klubin Ekonomik (Wirtschaftsclub) në Dyzeldorf. Ky takim i bëri bashkë 400 mysafirë të shquar nga komuniteti i biznesit, politikanë e gazetarë të rajonit North Rhine-Westphalia.

Pritja ishte një ngjarje informale, ajo gjithashtu ishte dhe një mundësi e mirë për të diskutuar mbi rolin e këtij rajoni si nyjë e biznesit ndërkombëtar, si dhe mbi mënyrën se si do të përballet Gjermania si e tërë me sfidat dhe pritshmëritë e kësaj bote që po ndryshon me të shpejtë.

Si njeri që vjen nga sfera e biznesit dhe tash një filantrop, z. Destani pati kënaqësinë e vaçantë të takohet me miq të shumtë ndër të cilët, me Konsullin e Përgjithshëm të Shteteve të Bashkuara, Michael Kelly, Ambasadorin e Kosovës në Gjermani, Skënder Xhakaliu, dhe politikanin Carsten Linnemann nga partia Unioni Kristian Demokrat (CDU) i cili mbajti një fjalim të ngjeshur duke shfaqur pikëpamjet e tij mbi disa nga sfidat me të cilat përballet Gjermania.

Gjatë bisedës pas këtij eventi, z. Destani tha, “Ky rajon dhe përballja e tij me mentalitetin e biznesit të jashtëm është relevante dhe me rëndësi të veçantë për bizneset shqiptare dhe për prosperitetin e Europës Juglindore. Unë e pata për kënaqësi t’i pasqyroj këto interesa lokale dhe të zhvilloj biseda duke shkëmbyer mendime e ide me aq shumë njerëz.”

Artikuj të ngjashëm
07.06.2019
Lazim Destani merr pjesë në këtë konferencë tre-ditëshe ku po realizon një agjendë të ngjeshur takimesh. Konferenca, që ndryshe njihet...
22.05.2019
Klubi i futbollit Shkëndija, të dielën më 19 Maj 2019, e ngriti trofeun për titullin e kampionit të stinorit 2018/2019....
22.05.2019
Si përkrahës dhe aktivist i zhvillimit ekonomik të rajonit të Europës Juglindore, Lazim Destani, mori pjesë në konferencën e posaçme...