2019/03/14

Lazim Destani pranon çmimet “Shqiponja e Artë e Diasporës” dhe “Ambasador i Kombit”

Lazim Destani dekorohet me çmimet “Shqiponja e Artë e Diasporës” dhe “Ambasador i Kombit”, në kuadër të Samitit të dytë të Diasporës, i cili zhvilloi punimet në Tiranë. Në ceremoninë solemne që u mbajt me rastin e dhënies së çmimve, krahas suksesit si sipërmarrës, theks të veçantë I’u vëndua kontributit të Lazim Destanit si humanitar dhe filantrop i shquar.

“Jam i kënaqur që me pjesëmarrjen time pata mundësinë të kontribuoj në Samitin e dytë të Diasporës Shqiptare që i mbylli punimet sot në Tiranë. Me këtë rast i falënderoj organizatorët dhe autoritetet e Republikës së Shqipërisë për pritjen e ngrohtë dhe për angazhimin e tyre për mbajtjen e këtij Samiti të rëndësishëm për trojet tona. Një falënderim të veçantë ua përcjell autoriteteve të vendit për vlerësimin publik që ata i bënë punës dhe aktiviteteve të mia shumëvjeçare duke më nderuar me dy çmimet që më sollën ndjenjë të këndshme dhe emocion, “Shqiponja e Artë e Diasporës” dhe “Ambasador i Kombit”” – tha Lazim Destani.

Më tej ai vazhdoi duke thënë se kontributi për zhvillimin dhe për mirëqenien e shoqërisë gjithmonë ka qenë në vëmendjen e tij dhe këtë e ka parë si një detyrim. Ai është dalluar gjatë gjithë karierës së tij me veprat filantropike si dhe në vazhdimësi ka mbështetur projekte të shumta nga sfera e arsimit, shkencës, kulturës, sportit dhe artit.

Artikuj të ngjashëm
25.01.2020
Në kuadër të Ditës Kombëtare të Diasporës Shqiptare, më 18 dhjetor 2019, në Tiranë u zhvillua mbledhja e parë e...
14.01.2020
Përurohet shtatorja e themeluesit të Universitetit dhe “Flakadani i Kujtesës”, dy vepra arti këto, dhuratë Universitetit nga filantropi Lazim Destani....
14.01.2020
Nën organizimin e Fondit Shqiptar për Zhvillimin e Diasporës dhe me mbështetjen e Ministrit të Shtetit për Diasporën, më 27...