Angazhimi dhe filantropia

Angazhimet e Lazim Destanit në rajon dhe më gjerë janë të ndryshme, por ai ka pasion të veçantë për arsimin, sportin dhe kulturën.

Angazhimi

Arsim

Lazim Destani, është i dhënë me gjithë shpirt pas arsimit dhe ka luajtur rol vital në mbështetjen e arsimit të lartë në Maqedoni, siç është rasti i Universitetit të Tetovës, ku ai ishte një ndër nxitësit dhe veprimtarët kryesor për hapjen e një Universiteti në gjuhën shqipe.
Gjatë veprimtarisë së tij si sipërmarrës dhe tashmë si një filantrop i njohur, Lazim Destani në vazhdimësi përkrah arsimin shqip dhe arsimin në përgjithësi në vendet ku bizneset e familjes së tij operojnë.

Ai gjithashtu është aktiv me pjesëmarrje në konferenca të ndryshme shkencore dhe forume arsimore si në Maqedoni, në rajon e në vende të tjera të botës.

Sport

Ecja e Lazim Destanit në rrugën e biznesit gjithmonë është shoqëruar me dashurinë dhe mbështetjen që i ka dhënë sportit. Ai beson se sporti është një shtyllë e rëndësishme e shoqërisë si dhe e çmon lart ndikimin e sportit në prezantimin e vlerave të një kombi.

Dashurinë për vlerat e larta që ka sporti ai gjithmonë e ka treguar me mbështetjen që u ka dhënë shoqatave të ndryshme sportive, deri te mbështetja që po i jep klubit të futbollit Shkëndija- klub tetovar me një historik të denjë, i dashur e i preferuar jo vetëm për tetovarët por për shumë tifozë futbolli anë e mbanë rajonit, ku kjo skuadër spikat me lojë të bukur e me fitore.

Kulturë

Lazim Destani e do artin në përgjithësi ndërsa kënaqësinë e veçantë e gjen tek poezia. Ai gjithashtu i dha mbështetje absolute edhe djalit të tij të vogël në rrugën e artit si aktor.
Dashurinë e parezervë për artin ai e ka dëshmuar edhe përmes përkrahjes së artistëve të ndryshëm lokal dhe mbarëkombëtar, shoqatave të ndryshme artistike, ekspozitave, si dhe shoqërive kulturore-artistike.